Алексіевіч: Я ўяўляю сабе ўладу будучыні — прэзідэнт Віктар Бабарыка і прэм’ер Кірыл Руды

«Я пакуль сур’ёзна не сачу за выбарамі. Я бачыла толькі чаргу, якая стаяла да Статкевіча на Камароўскім рынку. Але магу сказаць, што Віктар Бабарыка мне вельмі падабаецца. Гэта цікава, паведамляе «Наша Нiва».

Мне здаецца, што ў Бабарыкі ёсць шанс, калі толькі Лукашэнка нешта не прыдумае.

Разам з тым, мне здаецца, што Віктар яшчэ да канца не прадумаў свой план. У мяне адчуванне, што ён сам у роздумах, і для яго самога гэта было нечаканасцю.

З Віктарам Бабарыкам мы рабілі разам кніжку.

Гэта вельмі моцная асоба. Я ўяўляю сабе такую ўладу будучыні: прэзідэнт — Віктар Бабарыка, прэм’ер — Кірыл Руды. Мы б тады жылі ў зусім іншай краіне.

Тое, што Бабарыка пайшоў на выбары — гэта вельмі мужны ўчынак. Ён заўсёды хоча нешта добрае зрабіць для краіны, і яго мучае, што адбываецца ў Беларусі. Вялікая павага яму за тое, як ён падтрымліваў пісьменнікаў, мастакоў. Ён вельмі шмат добрага зрабіў».

Источник