Сотні людзей сабраліся ў Курапатах на Ноч расстраляных паэтаў

29.10.2019 23:56

У Курапатах на Ноч расстраляных паэтаў прыйшлі каля 400 чалавек. Вядзе вечар прадпрымальнік-цясляр Зміцер Дашкевіч, піша Наша Ніва.

Удзельнікі разгарнулі вялікі нацыянальны сцяг. На крыжах па ўсім урочышчы запалілі свечкі.

Прысутныя зачыталі спіс расстраляных у гэтую ноч. Першым пачало выступаць духавенства.

Далей пранікнёна выступіў Уладзімір Арлоў. Прысутныя праспявалі духоўны гімн «Божа, я малюся за Беларусь». Чацвёртым пасля Дашкевіча, святара і Уладзіміра Арлова выступіў Альгерд Бахарэвіч.

Нагадаем, што ў ноч з 29 на 30 кастрычніка 1937 года ў сутарэннях мінскай унутранай турмы НКВД «амерыканкі» расстралялі больш за 100 прадастаўнікоў беларускай інтэлігенцыі, у тым ліку 22 літаратары.

Мяркуецца, што чытанні будуць доўжыцца 3 гадзіны.

Агулам у 1930—1950-я гады ў Беларусі было рэпрэсавана каля 600 тысяч чалавек. Каля 200 тысяч з іх загінулі. Як мяркуецца, каля 30 тысяч расстраляных пахавана ў Курапатах.

Источник